loading...
لَو ضاقت هالدنيي فيك  
وانكسر جنحك..
مع أهل النخوة خلّيك
واصبر ع جرحك..

مهما زمانك يجرحك
من آيد أحبابك..
ما فيك تترك مطرحك
وتسكّر بوابك..
ما بْيتغيّر لون الدم
وْلا بتكذب دمعات الأم
ضلّك حاضر قدّ الهَمّ
لا تسكن غيابك..

وْلو صار قلبك يوجعك
إضحك وَلا تشكي..
أوعا غريمك يقشعك
شي يوم عم تبكي..
عشق الورد الما بينشَمّ
بيجرح قلب الصخر الصَمّ
مْليح الما في عندو تمّ
هالصخر تَ يحكي

إرسال تعليق

 
Top